Тараздағы сарбаздың өз-өзіне қол жұмсауы: Істің мән-жайын хабарлаған адвокат жазаға тартылуы мүмкін

Жамбыл облысында қаза тапқан сарбаздың денесіндегі өзге адамдардың биоматериалдары туралы хабарлаған адвокат «этиканы бұзды» деп айыпталды. Бірнеше күн бұрын мерзімді қызметтегі әскери қызметшіні өз-өзіне қол жұмсау туралы қылмыстық іс бойынша адвокат Пралиевтің баспасөз мәслихаты өтті. Дәл сол жерде ол үш рет сот-медициналық сараптама жүргізілгенін хабарлады: біреуі Таразда, екеуі Алматыда өткен. Қайтыс болған сарбаздың ауыз қуысында және киімінде өзге ер адамдардың биоматериалдарын тапқаны белгілі болды. «Пралиев қылмыстық істің деректерін жария етіп, шындыққа сәйкес келмейтін өз тұжырымдарымен толықтырды. Сонымен қатар, ҚІЖК-нің 201-бабына сәйкес сотқа дейінгі тергеп-тексеру деректері жария етілмейді», — делінген ҚР ІІМ хабарламасында. Қылмыстық қудалау органдары адвокатты кәсіби этика нормаларын бұзды деп айыптайды және қызметтік тергеу жүргізуді сұраған. Олардың өтініші ҚР Әділет министрлігіне жолданды.