Жамбылдықтар жауапсыз мердігердің кесірінен сусыз қалды
Жамбылдықтар жауапсыз мердігердің кесірінен сусыз қалды
Жамбыл ауданы Бесағаш, Түркісіб ауылдарында ауыз су проблемасы өте өткір күйінде қалып тұр .
Тұрғындар мердігер компания "Көлсай строй" ЖШС-ның жауапсыздығынан биыл да сусыз қалуы мүмкін.
Аталған компания ауызсу құбырының құрылысын былтыр желтоқсан айында толық аяқтауы керек болған. Екі ауылдың тұрғындары жоспар бойынша қаңтардан бері таза ауызсу ішіп отыруы тиіс еді. Алайда, жұмыс әлі күнге бітпеген, құрылыс сапасы сын көтермейді. "Жол кеңейтіліп, асфальт төселгенде ол тіпті қақ ортада қалып кеткелі тұр. Ал оған біреу келіп көлігін соғып алса, жол қозғалысына кедергі туғызары анық. Бұл ауыл ішінде жол апаттарының жиілеуіне әкеліп соғуы мүмкін. Ертең жаңа төселген асфальтті бұзып, бағананы қайта көшіріп жүрмеу үшін мәселені қазірден реттеп алу қажет", - дейді Жамбыл облыстық мәслихатының депутаты Дәурен Ахметжаев.