Шараға ұйғыр этномәдени бірлестігінің мүшелерімен қатар түрлі этнос өкілдерінің балалары, ұстаздар, ата-аналар және аймақтық бұқаралық ақпарат құралдарының өкілдері қатысты.

Балалар Достық үйінің қызметімен танысып, ертегі кейіпкерлерінің образындағы аниматорлардың көңілді бағдарламаларын тамашалады. Бірлестіктің Ақсақалдар кеңесінің төрағасы Тұрсынмамед Қасымов пен Аналар кеңесінің мүшесі Хайриниса Ахметова балаларға жаңа оқу жылына сәттілік тілеп, шамамен 20 балаға мектеп сөмкелері мен оқу құралдарын табыстады.

«Мектепке жол» акциясы — бұл тек оқу құралдарымен көмек көрсету ғана емес, сонымен бірге балалардың болашағына деген сенімді нығайтып, олардың мектепке қуана баруына жағдай жасауға бағытталған маңызды бастама.