Президент: Жаңа Парламентке «Құрылтай» деген атау беру керек
Қазақстан Президенті Қасым-Жомарт Тоқаев Ұлттық құрылтайдың V отырысында Парламентті реформалау мәселесіне тоқталып, болашақ заң шығарушы органға «Құрылтай» атауын беру жөнінде ұсыныс айтты.
Мемлекет басшысы жұмыс тобы түскен ұсыныстарды жинақтап, Парламенттік реформаны жан-жақты қарастырғанын жеткізді.
Жаңа Парламентті жасақтау тәртібі қандай болады?
Президенттің айтуынша, Парламентті қалыптастырудың жаңа қағидаттары төмендегідей болады:
депутаттар пропорционалды сайлау жүйесі бойынша сайланады;
Парламентте Президент квотасы болмайды;
депутаттар қатарында арнайы «таңдаулы» немесе танымал тұлғаларға арналған артықшылықтар қарастырылмайды;
Қазақстан халқы Ассамблеясының арнайы квотасы алынып тасталады;
депутаттар 5 жыл мерзімге сайланады;
мандаттардың жалпы саны – 145.
Мемлекет басшысы бұл реформалар заң шығарушы биліктің тиімділігін арттырып, халықтың өкілдігін күшейтуге бағытталғанын атап өтті.
Ұлттық құрылтайдың V отырысында саяси жүйені жаңғырту, мемлекеттік басқаруды жетілдіру және билік институттарының ашықтығын арттыру мәселелері негізгі тақырыптардың бірі болды.