Болжамға сәйкес, республиканың көп өңірінде қар жауады. Ал оңтүстік және оңтүстік-шығыс аймақтарда жауын-шашын жаңбыр мен қар түрінде аралас болуы мүмкін. Сонымен қатар кей жерлерде боран соғып, көктайғақ байқалады, желдің күшеюі күтіледі.

Ал Қазақстанның солтүстік-батысы, солтүстігі мен орталық өңірлері антициклон ықпалында қалып, бұл аймақтарда ауа райы негізінен тұрақты болады. Синоптиктер мұнда жауын-шашынсыз, желсіз және аязды күндер сақталатынын атап өтті.

Болжам кезеңінің алғашқы күндерінде батыс және солтүстік облыстарда түнгі температура -20…-35°С дейін төмендеп, қатты аяз болады. Кейіннен ауа температурасы біртіндеп көтеріледі: түнде -7…-20°С, ал күндіз -2…-12°С шамасында болады.

Республиканың орталық, шығыс және оңтүстік-шығыс өңірлерінде түнгі суық -3…-18°С дейін жетіп, таулы аймақтарда -15…-23°С болуы мүмкін. Күндіз ауа температурасы 0…-7°С аралығында, ал таулы өңірлерде -8…-15°С шамасында сақталады.