Ұлттық банк 2026 Олимпиадасына арналған жаңа коллекциялық монетаны таныстырды
Ұлттық банк
Ұлттық банктің хабарлауынша, коллекциялық өнім немістің MDM Münzhandelsgesellschaft mbH & Co. KG Deutsche Münze (MDM) нумизматика компаниясымен бірлескен әріптестік аясында дайындалған.
Жаңа монета 925 сынамалы күмістен соғылған. Оның негізгі сипаттамалары төмендегідей:
- массасы – 20 грамм
- диаметрі – 37 мм
- дайындалу сапасы – proof
- номиналы – 1000 теңге
- таралымы – 2000 дана
Ресми мәліметте атап өтілгендей, бұл коллекциялық монеталар Қазақстан Республикасының бүкіл аумағында белгіленген құнымен төлемнің барлық түрі бойынша қабылданады. Сондай-ақ олар елдегі барлық банктерде шоттарға есепке алуға, аударуға, айырбастауға және ұсақтауға жарамды.
Ұлттық банк жаңа шығарылым нумизматикалық коллекцияға қызығушылық танытатын азаматтар үшін ерекше өнім болатынын атап өтті.