Серік Сәпиев Туризм және спорт министрінің кеңесшісі қызметіне кірісті
Қарағандыдағы қызметінен кеткеннен кейін Серік Сәпиев жаңа лауазымға тағайындалды. Ол енді Туризм және спорт министрінің штаттан тыс кеңесшісі ретінде жұмыс істейтін болды.
Ресми ақпаратқа сәйкес, Серік Сәпиев министрдің кеңесшісі ғана емес, сонымен қатар жазғы ХХ Азия ойындарына дайындық штабының спорт бойынша үйлестірушісі міндетін атқарады.
Министрлік бұл шешімнің өткен жылы күшіне енген «Дене шынықтыру және спорт туралы» заңның жаңартылған редакциясында қарастырылған ротация тәртібі шеңберінде қабылданғанын атап өтті.