City Transportation Systems компаниясының мәліметінше, бүгінгі таңда жеңіл рельсті көлік жүйелері сынақ кезеңінен өтуде. Техникалық тексерістер мен жүйелік тестілеу жұмыстары толық аяқталғаннан кейін жолаушыларға қызмет көрсетуге дайындық пысықталады. Сонымен қатар жолақы құны, төлем тәсілдері және тарифтік саясат іске қосу мерзімі жақындаған кезде нақты жарияланатыны айтылды.

Мамандардың айтуынша, LRT желісін іске қосу елордадағы көлік жүктемесін азайтып, қоғамдық көлік қатынасын жеңілдетуге мүмкіндік береді. Жоба қаланың негізгі бағыттарын байланыстырып, жолаушыларға жылдам әрі ыңғайлы қатынау мүмкіндігін ұсынуды көздейді.

Алдын ала жоспар бойынша, LRT желісін көктем мезгілінде іске қосу көзделіп отыр. Жоба толық іске қосылған жағдайда елорданың көлік инфрақұрылымын жаңғыртуға және қоғамдық көлік жүйесін дамытуға елеулі үлес қоспақ.