Облыс бойынша түнгі уақытта таулы аудандарда қар түседі. Күндіз облыстың оңтүстігі мен шығысында аралас жауын-шашын (жаңбыр мен қар) болжанып отыр. Таулы өңірлерде қар жалғасады. Кей уақыттарда тұман түсіп, жолдарда көктайғақ пайда болуы ықтимал.

Жел солтүстік-шығыстан соғады. Оның жылдамдығы 9-14 м/с болса, түнде таулы аудандарда, ал күндіз облыстың оңтүстік-батысы мен таулы аймақтарында 15-20 м/с дейін күшеюі мүмкін.

Ауа температурасы түнде 0-5 градус аяз болады. Облыстың солтүстігі мен таулы аудандарында түнгі суық 9-14 градус аязға дейін жетеді. Күндіз ауа температурасы 0-5 градус жылы болса, солтүстік және таулы аймақтарда 2-7 градус аяз сақталады.

Тараз қаласында 2 наурызда көшпелі бұлтты ауа райы күтіледі. Таңертең және күндіз жауын-шашын (жаңбыр мен қар) болуы мүмкін. Кей уақыттарда тұман түсіп, көктайғақ байқалады. Жел солтүстік-шығыстан соғып, жылдамдығы 9-14 м/с болады. Ауа температурасы түнде 1-3 градус аяз, күндіз 1-3 градус жылы шамасында болады.

Мамандар жолда жүру кезінде сақ болуға, көлік жүргізушілеріне жылдамдық режимін қадағалауға және ауа райының өзгерісін ескеруге кеңес береді.