3 наурыз, 2026
Алдын ала мәліметке сәйкес, жер үсті резервуарларының бірінде газ-ауа қоспасы тұтанып, өрт шыққан. Жалын қысқа уақыт ішінде екінші цистернаға, станция аумағында тұрған газ тасымалдаушы көлікке және операторлық ғимаратқа таралған.
Қазақстан Республикасы Төтенше жағдайлар министрлігінің мәліметінше, оқиға орнына жедел түрде өрт сөндіру бригадалары жіберіліп, тілсіз жау толықтай ауыздықталды. Қауіпсіздік мақсатында аумақ қоршауға алынып, тиісті тексеру жұмыстары жүргізілді.
Абырой болғанда, зардап шеккендер жоқ. Қазіргі уақытта жарылыстың нақты себептері анықталып жатыр. Мамандар газ жабдықтарының техникалық жағдайы мен қауіпсіздік талаптарының сақталуын тексеруде.
Оқиғаға байланысты құзырлы органдар қосымша ақпарат беретін болады.
