Бүгін, 16:51
Асқар Тоқпанов атындағы Жамбыл облыстық академиялық қазақ драма театры Атырау қаласында өткен Рахымжан Отарбаев атындағы III халықаралық театр фестивалінде Бас жүлдені иеленді, деп хабарлайды baq-orda.kz.
Фестиваль аясында театр ұжымы драматург Рахымжан Отарбаевтың «Құсалық» драмасын көрермен назарына ұсынып, жоғары деңгейдегі актерлік шеберлігі мен сахналық үйлесімін көрсетті.
Бас жүлде иегеріне 2 миллион теңге көлеміндегі сертификат табысталды.
Қойылымның режиссері – Мұқанғали Томанов, суретшісі – Айгерім Амангелді.
Бұл жеңіс – театр ұжымының қажырлы еңбегі мен шығармашылық ізденісінің нәтижесі. Жамбыл театрының халықаралық деңгейдегі жетістігі өңірдің мәдени өміріндегі айтулы оқиғаға айналды.
