Бүгін, 16:13
Қарақат Әбілдина сахнаға қызы Аяламен бірге шығып, көрерменнің ыстық ықыласына бөленді. Анасы мен қызы қызыл түсті жарасымды костюм киіп, көпшіліктің назарын аударды, деп хабарлайды baq-orda.kz.
Әлеуметтік желіде тараған бейнежазбада олардың сахнадағы үйлесімі мен ерекше образы қызу талқыланып жатыр. Желі қолданушылары Аяланың әкесіне қатты ұқсайтынын айтып, жылы пікірлерін жарыса жазған.
«Әкесінің аузынан түсіп қалғандай 😍», «Қарақат кезінде қызды болуды қатты қалаушы еді, қазір қызының қызығына тоймай жүр ғой», «Неткен әдемі жарасым!» деген пікірлер көптеп қалдырылған.
Көпшілік әсіресе анасы мен қызының сахнадағы еркін қарым-қатынасы мен стиль үйлесіміне тәнті болған. Аяла да сахнада өзін сенімді ұстап, көрерменнің назарын өзіне аудара білді.
Желіде тараған бұл сәт тыңдармандардың көңілін көтеріп, жылы эмоция сыйлады.
