Үйден нан пісіріп сататын қазақстандықтар 8,7 млрд теңге пайда тапқан

0 26

Биылғы жылдың бірінші тоқсанында еліміздегі үй шаруашылықтары 29,9 млрд теңге сомасына өнім өндірген. Бұл өткен жылдың сәйкес кезеңімен салыстырғанда 3,1 пайызға көп.

Еnergyprom.kz ақпараты бойынша, қазақстандықтар көбіне үйден нан пісіріп сатумен айналысады. Мәселен, биылғы үш айда еліміздің үй шаруашылықтарының нан сатудан тапқан пайдасы 8,7 млрд теңгені құраған. Бұл өткен жылмен салыстырғанда 6,2 пайызға көп.

Сондай-ақ тоқаш және ұннан жасалатын өзге де кондитерлік өнімдерді үйден пісіріп сататудан түскен қаражат 6,9 пайызға артып, 8 млрд теңгені құрады.

Бұл орайда, өнімдерді көбіне Алматы облысында орналасқан үй шаруашылықтары өндірген. Олар биыл өз өнімдерін 6,2 млрд теңгеге өткізген. Аталған бағытта кірісі көп өңірлердің үштігіне Түркістан (6 млн теңге, өсім 3,5%) және Павлодар (5,3 млн теңге, өсім 18,5%) облыстары кірді.

Ал жеке өнім өндіру көлемі ең аз өнір – Маңғыстау облысы. Қазақстандықтардың жеке өнім жасау саласындағы кірісі артқанмен, оған жұмсалатын шығындар да өскен. Атап айтқанда, азаматтар үш айда 29,9 млрд теңге пайда тапса, оның 14,7 млрд теңгесі шығындарға жұмсалған.

 

Leave A Reply

Your email address will not be published.