Ал республиканың батысы мен оңтүстігінде ауа райына оңтүстік циклон және онымен байланысты атмосфералық фронттар әсер етеді. Бұл өңірлерде қар түріндегі жауын-шашын, жаяу бұрқасын, желдің дауылды деңгейге дейін күшеюі және көктайғақ сияқты қолайсыз метеорологиялық құбылыстар күтіледі.

Сондай-ақ 17–18 қаңтар күндері Түркістан, Жамбыл және Алматы облыстарының жекелеген аудандарында қатты жауын-шашын болжанып отыр.

Жаңа аптаның басында республиканың солтүстігіне, солтүстік-батысына және орталығына кезекті солтүстік-батыс циклон ығысып, қар мен бұрқасын әкеледі. Сонымен қатар бұл өңірлерде ауа температурасы біртіндеп жоғарылайды деп күтілуде. Ел аумағында тұман түсуі мүмкін.

Тұрғындарға ауа райының қолайсыздығына байланысты қауіпсіздік шараларын сақтауға кеңес беріледі.