Жамбыл облысының әкімі Ербол Қарашөкеев Тараз қаласында су тасқыны қаупінің алдын алу шараларымен танысып, су басқан аумақтарды аралады. Бұл жұмыстар қардың еруі мен жауын-шашын салдарынан туындаған жағдайды бақылауда ұстап, тұрғындардың қауіпсіздігін қамтамасыз ету үшін маңызды.
Облыс әкімі Әулиеата ауданындағы Бектөбе тұрғын алқабында болып, ауласын су басқан үйлердің жағдайын көрді. Табиғи факторлардың әсерінен облыс орталығындағы бірнеше жеке тұрғын үй аумағында су жиналғаны белгілі болды.
Қазіргі таңда су тасқынының алдын алу және салдарын жою жұмыстарына 100-ден астам адам мен 40-тан аса техника жұмылдырылған. Қауіпті азайту үшін қорғаныс бөгеттері жасалып, құм толтырылған қаптар төселді, арық-дренаж жүйелері тазартылып жатыр.
Өңір басшысы жауапты органдарға қауіпті аймақтарды тұрақты бақылауда ұстап, жұмыстарды тоқтатпау, сондай-ақ тұрғындардың өтініштеріне жедел әрекет ету жөнінде нақты тапсырмалар берді.
Ұқсас жаңалықтар
