Кей жерлерде тұман түсіп, көктайғақ қалыптасуы ықтимал. Жел оңтүстік-батыстан соғып, кейін солтүстік-шығыс бағытына ауысады. Желдің жылдамдығы 9–14 м/с болса, облыстың оңтүстік-батысында, солтүстік-шығысында және таулы аудандарында 15–20 м/с-қа дейін күшейеді. Түнгі уақытта екпіні 25 м/с-қа жетуі мүмкін.

Ауа температурасы түнде 3 градус аяздан 2 градусқа дейін жылы болады. Облыстың солтүстігі мен таулы аймақтарында түнде 8–13 градус аяз күтіледі. Күндіз өңірдің басым бөлігінде 1–6 градус жылы болса, солтүстік және таулы аудандарда 5–10 градус аяз сақталады.

Тараз қаласында көшпелі бұлтты ауа райы күтіледі. Күндіз жаңбыр мен қар түрінде жауын-шашын түседі. Кей уақыттарда тұман түсіп, жолдарда көктайғақ болуы мүмкін. Жел оңтүстік-батыстан соғып, кейін солтүстік-шығысқа ауысады, жылдамдығы 9–14 м/с. Ауа температурасы түнде 0–2 градус, күндіз 4–6 градус жылы болады.

Мамандар тұрғындарға жолда сақ болуды және ауа райының күрт өзгеруіне дайын болуды ескертеді.