Көмек көбіне «Алтын алқа», «Күміс алқа» иегерлеріне, «Батыр ана» атағы бар және I–II дәрежелі «Ана даңқы» орденімен марапатталған әйелдерге беріледі. Сонымен қатар кейбір өңірлерде көпбалалы және аз қамтылған аналар да осы төлемге ие болады.

Биылғы мереке қарсаңында әр өңірде төленетін әлеуметтік көмектің мөлшері әртүрлі.

Астана қаласында шамамен 37 мың адамға 2,5 айлық есептік көрсеткіш (АЕК) көлемінде төлем беріледі. Бұл шамамен 10 813 теңгені құрайды.

Ақмола облысы тұрғындары үшін төлем көлемі 2–5 АЕК аралығында белгіленген. Яғни аналарға 8 650 теңгеден 21 625 теңгеге дейін көмек көрсетіледі.

Қарағанды облысы бойынша 25 мыңнан астам адамға 20 000 теңге көлемінде біржолғы төлем қарастырылған. Оның ішінде төрт және одан көп баласы бар отбасылар да бар.

Маңғыстау облысы аймағында шамамен 14 мың анаға 15 000 теңгеден әлеуметтік көмек беріледі.

Ұлытау облысы бойынша 9 375 анаға 20 000 теңге көлемінде төлем жасау жоспарланған.

Ал Шымкент қаласында аналарға 5 АЕК көлемінде әлеуметтік көмек көрсетіледі. Бұл шамамен 21 625 теңгеге тең.

Жергілікті әкімдіктердің мәліметінше, төлемдер мереке қарсаңында немесе 8 наурыз күніне дейін аударылуы мүмкін. Бұл әлеуметтік қолдау шарасы аналардың еңбегін бағалап, көпбалалы отбасыларды қолдауға бағытталған.