Алматы облысында көлік апатынан 11 жастағы бала мерт болды. Оқиға Алматы-Жандосов-Бесмойнақ жолында болған. «20 шілде күні сағат 12:05 те Қарасай ауданының полициясына Алматы-Жандосов-Бесмойнақ жолында көлік апаты болғандығы жөнінде хабарлама түсті. Оқиға орнынан анықталғандай, 39 жастағы «Тойота Камри» көлігінің жүргізушісі жолдың қарсы бағытына шығып кетіп, «ВАЗ» көлігіне соғылған. Оқиға орнында кәмелетке толмаған бала мерт болды. Екі көліктің де жүргізушілері түрлі дене жарақатымен ауруханаға жеткізілді»,- делінген Алматы облыстық полиция департаменті баспасөз қызметінің хабарламасында. Ведомствоның ақпаратына сәйкес, қазір аталған факті ҚР ҚК 345 бабының 3 тармағы бойынша тергеліп жатыр. Қажетті сараптамалар тағайындалған.