Жаңалықтар
Екі жыл халықаралық іздеуде жүрген қызылордалық елордада ұсталды
- author BAQ-Orda
- 15 тамыз, 2022
- 124
![Екі жыл халықаралық іздеуде жүрген қызылордалық елордада ұсталды](https://baq-orda.kz/uploads/resized-images/2022/08/qamau.jpg)
Екі жыл халықаралық іздеуде жүрген қызылордалық елордада ұсталды
Қызылордалық полицейлер халықаралық іздеуде жүрген күдіктіні елордада ұстады.
Қызылорда облысы полиция департаменті криминалдық полиция басқармасы мен Нұр-Сұлтан қаласы полиция департаментінің қызметкерлері жедел іздестіру шараларын жүргізді.
«Нәтижесінде 2020 жылдан бері тергеуден бой тасалап, халықаралық іздеуде жүрген Қызылорда облысының 31 жастағы тұрғынын елордада ұстады. Ол ҚР Қылмыстық кодексінің 297-бабы 3-бөлігінің 1,3-тармағы бойынша қылмыс жасаған деп күдікке іліккен. Онда есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу жағдайы көрсетілген», - деп мәлім етті Қызылорда облыстық полиция департаментінен.
Ведомство мәліметінше, күдіктіге қатысты күзетпен ұстау түріндегі бұлтартпау шарасы таңдалды. Ол уақытша ұстау изоляторына қамаққа алынды.
Еске салсақ, бұдан бұрын Қызылордада көлік жүргізу құқығынан айырылған жүргізуші полицейлерден қашпақ болды.
Келесі мақала