Жаңалықтар
Өздерін Еңбекминінің қызметкерлеріміз деп таныстырған белгісіз тұлғалар қазақстандықтарды алдауда
- author BAQ-Orda
- 17 тамыз, 2022
- 150
![Өздерін Еңбекминінің қызметкерлеріміз деп таныстырған белгісіз тұлғалар қазақстандықтарды алдауда](https://baq-orda.kz/uploads/resized-images/2022/08/stop-fejk.jpg)
Өздерін Еңбекминінің қызметкерлеріміз деп таныстырған белгісіз тұлғалар қазақстандықтарды алдауда
Белгісіз тұлғалар өздерін Қазақстан Республикасы Еңбек және халықты әлеуметтік қорғау министрлігінің (бұдан әрі – Еңбекмині) қызметкерлері ретінде таныстырып, азаматтарға телефон соғып, 500 мыңнан 1 млн теңгеге дейін ақшалай төлем түрінде әлеуметтік көмек көрсетуге уәде береді. Бұл ақпарат шындыққа жанаспайды.
Материалдық көмек көрсету мақсатында белгісіз біреулер шоттардағы тыйым салуды алып тастауды және қарызды жабуды сұрайды (барлық жағдайда несиені уақтылы қайтармау және банктерге берешекті төлемеу салдарынан есепшоттарға тыйым салынған).
Азамат уәде етілген материалдық көмекті алу үшін шотынан тыйым салуды алып тастағаннан кейін белгісіз біреулер техникалық ақауларға және көмек көрсетудің мүмкін еместігін айтады.
ҚР Еңбекмині Министрлік қызметкерлері азаматтарға қоңырау шалмайтынын, барлық мемлекеттік әлеуметтік төлемдер азаматтардың өтініштері негізінде немесе проактивті форматта жүргізілетінін хабарлайды.
Азаматтардан фейктерге назар аудармауды және ақпаратты тек ресми дереккөздерден пайдалануды сұраймыз.
Естеріңізге сала кетейік: жалған ақпарат тарату заң бойынша жазаланады.
Егер сіз алаяқтарға алданып қалсаңыз, дереу полицияға хабарласыңыз.
Келесі мақала