Франция президенті 50-ден астам елдің өкілдері қатысқан Газа секторындағы бейбіт тұрғындарға гуманитарлық көмек көрсетуге арналған халықаралық конференцияда сөз сөйледі. Конференцияның негізгі тақырыптарының бірі - жергілікті тұрғындарды дәрі-дәрмекпен, сумен, жарықпен және азық-түлікпен қамтамасыз ету болды. Макрон Израильді бейбіт тұрғындарды қорғауға шақырып, «барлық жерде өмір құндылықтары бірдей» және терроризммен күрес «ешқашан ережесіз бітпейтінін» айтты. Ол гуманитарлық көмектің Газа секторына жетуіне мүмкіндік беру үшін әскери әрекеттерге үзіліс жасауға шақырды.

«7 қазанда Франция Палестина халқына 20 миллион еуро көлемінде гуманитарлық көмек көрсететінін жариялаған болатын, енді бұл соманы биыл 100 миллион еуроға жеткіземіз», - деді Макрон.

Ол сондай-ақ барлық елдерді Біріккен Ұлттар Ұйымы арқылы палестиналық бейбіт тұрғындарға көмек көрсетуге шақырды. Франция президенті БҰҰ бағалауы бойынша Газа секторы мен Батыс жағалау тұрғындарына 1,2 млрд доллар (1,12 млрд еуро) көлемінде гуманитарлық көмек қажет екенін атап өтті. Макрон жекелеген елдердің Газа секторының тұрғындарына көмек көрсету жөніндегі бастамаларын жоғары бағалады, оның ішінде парашютпен медициналық қажеттіліктер жеткізген Иордания, далалық госпиталь құру бойынша БАӘ, теңіз гуманитарлық дәлізін ұйымдастыруды ұсынған Кипр, сондай-ақ әуе көпірін құрған ЕО бар.

«Бүгінгі конференция да күш-жігерімізді біріктіруге көмектеседі деп үміттенемін», - деді Макрон.

Еурокомиссия төрағасы Урсула фон дер Ляйен ЕО палестиналықтарға гуманитарлық көмек көрсету көлемін төрт есеге арттырғанын атап өтті. Палестина премьер-министрі Мохаммед Штайенің айтуынша, «Газада сағат сайын алты бала өледі».