Тараз қаласы №2 соты алаяқтық жасап. 130 адамды құрығына түсірген бес азаматқа қатысты қылмыстық істі қарады, деп хабарлайды jambylinfo.kz Тараз сотына сілтеме жасай отырып.

«Сотталған Т. өзінің қылмыстық сыбайластары Д., И., К. және И.-мен бірге алдын ала сөз байласу арқылы жеке тұлғалардың сенімдеріне кіріп, олардың аттарына online тауарлық несие ресімдеп, тауарды қолма-қол ақшаға айналдырып отырған. Олар жалпы саны 130 адамды алдап,  жалпы 246 млн. тенгеден астам сомада материалдық залал келтірген», - деп хабарлайды соттың баспасөз қызметі.

Сот алаяқтардың біреуін сегіз жылға, үшеуін бес жылға және бір әйел адамды екі жылға бас бостандығынан айырды.