Мемлекет басшысы сапар барысында Бейбітшілік кеңесінің Жарғысына қол қою рәсіміне қатысады. Аталған құжат халықаралық қауіпсіздікті нығайтуға, мемлекеттер арасындағы өзара сенім мен тұрақты диалогты дамытуға бағытталған маңызды бастамалардың бірі ретінде бағаланып отыр.

Рәсімге бірқатар елдердің көшбасшылары, халықаралық ұйым өкілдері мен саяси қайраткерлер қатысады деп жоспарланған.

Сапар аясында Қасым-Жомарт Тоқаевтың бірқатар шетелдік саясаткерлермен және халықаралық ұйым басшыларымен екіжақты кездесулер өткізуі мүмкін. Кездесулер барысында жаһандық қауіпсіздік, өңірлік тұрақтылық, экономика және инвестициялық ынтымақтастық мәселелері талқыланбақ.

Президенттің бұл сапары Қазақстанның халықаралық аренадағы беделін нығайтуға және бейбітшілік пен тұрақтылықты қолдауға бағытталған сыртқы саяси ұстанымын айқындай түседі.