10–11 ақпанда солтүстік, солтүстік-батыс, оңтүстік, оңтүстік-шығыс және орталық аймақтарда, ал 11 ақпанда шығыс өңірлерде қардың мол түсуі ықтимал. Республика аумағында көктайғақ, боран және екпінді жел байқалуы мүмкін.

Сонымен қатар батыс антициклонының әсері күшейгеннен кейін жауын-шашын тоқтап, ауа температурасы төмендейді деп болжанып отыр. Солтүстік, солтүстік-батыс және орталық өңірлерде түнгі уақытта –22…–30°С, күндіз –15…–20°С дейін суытады. Шығыс аймақтарда түнде –13…–23°С, күндіз –12…–20°С шамасында болады. Ал оңтүстікте түнде –10…–20°С, күндіз –5°С пен +5°С аралығында сақталады.

Бұған дейін синоптиктер ақпан айына арналған жаңартылған ұзақ мерзімді болжамды да ұсынған болатын. Мамандардың айтуынша, жалпы ай әдеттегіден біршама жылырақ өтеді, жауын-шашын мөлшері қалыпты деңгейде болады. Ел аумағының көп бөлігінде орташа температура климаттық нормадан шамамен 1–2 градус жоғары болуы мүмкін.