Қазақстан кикбоксингінің негізін қалаушылардың бірі, танымал бапкер әрі жекпе-жек спортының беделді маманы Сабыржан Махметов дүниеден өтті. Оның қайтыс болуы ел спорты үшін елеулі қаза саналады, өйткені ол Қазақстанда кикбоксинг пен жекпе-жек бағыттарының қалыптасып, дамуына зор үлес қосқан тұлға болды.
Қаралы хабарды алғаш журналист Қанат Ескендір жеткізді. Кейін бұл ақпаратты Қазақстанның «Жекпе-жек» федерациясы да ресми түрде растады.
Сабыржан Махметов – КСРО-ның еңбек сіңірген спорт шебері, сондай-ақ КСРО мен Қазақстан Республикасының еңбек сіңірген жаттықтырушысы атанған. Ол кезінде КСРО әуе десант әскерінің үш мәрте абсолюттік чемпионы болып, ережесіз жекпе-жек бойынша бірнеше рет әлем чемпионы атағын жеңіп алған.
Спорт жанкүйерлері оны кикбоксингтің дамуына айрықша еңбек сіңірген тәжірибелі маман әрі ұстаз ретінде жақсы таниды. Ол Қазақстандағы жекпе-жек федерациясын құрып, жетекшілік етіп, осы спорт түрінің кең таралуына ықпал етті. Сонымен қатар дүниежүзілік «Жекпе-жек» қауымдастығының президенті қызметін атқарған.
Келесі мақала
Бибісара Асаубаева әлем чемпионын жеңіп, жүлде иеленді
Ұқсас жаңалықтар
