Мемлекет басшысы Қасым-Жомарт Тоқаев Премьер-министрге, күштік құрылымдардың басшыларына, «Самұрық-Қазына» ұлттық әл-ауқат қоры мен ұлттық компаниялардың жетекшілеріне, сондай-ақ аймақ әкімдеріне маңызды инфрақұрылым нысандарының қауіпсіздігін күшейтуді тапсырды.
Президент тапсырмасы тіршілікті қамтамасыз ететін нысандарға, көлік, энергетика және коммуналдық инфрақұрылымға қатысты. Оның ішінде әуежайлар, теңіз және өзен порттары сияқты стратегиялық маңызы бар нысандарда қауіпсіздік шаралары күшейтіледі.
Аталған жұмысты үйлестіру Қазақстан Республикасы Қауіпсіздік Кеңесінің хатшысына жүктелді.


