13 ақпан, 2026
Компанияның баспасөз қызметі таратқан түсініктемеге сәйкес, сәуір айына жарияланған тарифтер уәкілетті орган тарапынан қайта қаралуы мүмкін. Яғни, түпкілікті шешім әлі қабылданбаған, тарифтердің нақты мөлшері бекітілгеннен кейін ғана ресми түрде жарияланбақ.
Сонымен қатар, электр энергиясының бағасы қосылған құн салығына (ҚҚС) байланысты өскені белгілі болды. Бұл өзгеріс тұтынушылардың коммуналдық төлемдеріне әсер етуі мүмкін.
Ал «Алматы Су» компаниясының мәліметінше, суық сумен жабдықтау және су бұру тарифтері бұрынғы деңгейде қалады. Қазіргі уақытта бұл қызметтер бойынша бағаны өзгерту жоспарланбаған.
Жауапты мекемелер тарифтерге қатысты барлық өзгерістер ресми түрде бекітілгеннен кейін тұрғындарға қосымша ақпарат берілетінін хабарлады.
