24 ақпан, 2026
Саяхатқа шығу - әрқашан қуанышты оқиға, бірақ әуежай сияқты стратегиялық нысандарда қырағылықты жоғалтпау өте маңызды. Жуырда жарияланған әлеуметтік бейнеролик жолаушыларға ең маңызды қауіпсіздік қағидаларын еске салды, деп хабарлайды baq-orda.kz.
«Сәлемдеме» — үлкен қауіптің бастауы Көбіне бейтаныс адамдар «жүгім артық болып жатыр еді» немесе «мына кішкентай қорапты туыстарыма беріп жіберсеңіз» деп өтініш айтады. Бейнебаян авторлары мұндай ұсыныстардан бірден бас тартуға кеңес береді. Себебі, қорап ішінде тыйым салынған заттар болуы ықтимал. Заң алдында «білмедім» деген уәж жүрмейді — жүк үшін оны алып жүрген адам жауапты.
Цифрлық қауіпсіздік: билетті жасырыңыз Көптеген саяхатшылар қуанышымен бөлісу үшін әуе билетін (бординг-пасс) әлеуметтік желіге жүктейді. Бұл - үлкен қателік! Билеттегі QR-код пен жеке деректер арқылы қаскөйлер сіздің сапарыңызды бұзуы немесе жеке ақпаратыңызды ұрлауы мүмкін.
Полиция ескертеді: Егер әуежайда күмәнді жағдайға тап болсаңыз немесе біреу сізге беймәлім затты таңбақ болса, дереу тәртіп сақшыларына хабарласыңыз. Сіздің қырағылығыңыз - қауіпсіздіктің кепілі!
Есіңізде болсын, заң мен тәртіп сақталған жерде ғана сапарыңыз сәтті болмақ.
