Қазақстанда тамыз айында қант тапшылығы болмайды - министр

26 шілде, 2022

caption

Қазақстанда тамыз айында қант тапшылығы болмайды - министр ҚР Ауыл шаруашылығы министрі Ербол Қарашөкеев тамыз айында Қазақстанда қант тапшылығы болмайтынына сендірді. «Ішкі нарықта нарықтық экономика жағдайында сатылатын коммерциялық қанттың жеткілікті көлемі бар екенін атап өткім келеді. Жалпы, республика бойынша қант балансы оң сальдоны көрсетеді. Қаңтар айынан бастап отандық қант зауыттары 120 мың тонна қант құрағынан қант өндірді. Бұл өткен жылдың ұқсас кезеңімен салыстырғанда 19% артық. Шілде айының басында республикадағы қант қоры 27,8 мың тоннаны құрады. Айдың соңына дейін 37 мың тонна қант өндіріледі деп болжануда. Квота шеңберінде импорт көлемі 33,3 мың тоннаны құрайды. Осылайша, 69,8 мың тонна қажеттілік кезінде ішкі нарықтағы қанттың жалпы қоры — 98,1 мың тонна, нарықтың қамтамасыз етілуі — шамамен 140%», — деді Ербол Қарашөкеев . Айтуынша, тамыз айында елге қажетті қант артығымен жеткізіледі. «Тамыз айындағы болжамды қажеттілік 69,8 мың тоннаны құрайды. Айдың басында республика бойынша қанттың қоры – 35,1 мың тонна. Ақ қант импорты 42,2 мың тонна деңгейінде болады күтіліп отыр. Қант зауыттарының дерегінше, шамамен 41 мың тонна қант өндіру жоспарланған. Әкімдіктердің қорын ескерсек, республика бойынша қанттың жалпы қоры 118 мың тоннаны, нарықтың қамтамасыз етілу деңгейі 169% құрайды. Сонда шілде және тамыз айларында қант жеткілікті болады. Бірақ өзіндік құнынан бағасы төмен қант жеткіліксіз болады. Ондай бағамен сатылатын қант жеткілікті болмайды да. Өйткені әкімдіктер кез келген өнімді өзіндік құнынан төмен бағаға сата алмайды», — деді министр.  

BAQ-Orda

'БАҚ Орда' ақпараттық порталы