Бүгін, 10:30
Степногорск қаласындағы түзеу мекемесінде жазасын өтеп жатқан бұрынғы министр Қуандық Бишімбаевтың үшінші рет некеге тұрды деген ақпарат әлеуметтік желілер мен бірқатар ақпарат көздерінде тарады, деп хабарлайды baq-orda.kz.
Алайда бұл мәліметті оның қорғаушысы Ерлан Ғазымжанов жоққа шығарды. Адвокаттың айтуынша, аталған ақпарат шындыққа жанаспайды.
Сонымен қатар, журналистер бұл жағдайға қатысты ресми түсініктеме алу үшін Қылмыстық-атқару жүйесі комитетіне сауал жолдаған. Дегенмен, әзірге нақты жауап берілмеген.
Айта кетейік, Қуандық Бишімбаев 2023 жылғы 9 қарашада азаматтық жұбайы Салтанат Нүкенованың өліміне байланысты сотталған. 2024 жылдың мамыр айында сот үкімімен ол аса ауыр қылмыс жасағаны үшін 24 жылға бас бостандығынан айырылған.
Қазіргі уақытта бұл іске қатысты ресми органдардың жауабы күтілуде.
