Бүгін, 10:28
Қазақстандық жанкүйерлер жақсы танитын дзюдошы Абиба Әбужақынова жеке өміріндегі маңызды жаңалығын жариялап, көпшілікті қуантты. Әлемдік ареналарда ел намысын қорғап жүрген спортшы тұрмысқа шығатынын мәлімдеді, деп хабарлайды baq-orda.kz.
Ол әлеуметтік желідегі парақшасында қалыңдық жүзігін көрсетіп, гүл шоғымен түскен әсерлі суреттерін жариялаған. Жазбада қысқа ғана, бірақ мәні терең сөз қалдырған: «I said yes».
Жанкүйерлер мен әріптестері спортшыны бұл қуанышты жаңалығымен жаппай құттықтап, жылы лебіздерін білдіріп жатыр. Алайда Әбужақынова болашақ жары туралы толық ақпаратты ашық жарияламады – оның есімі мен тұлғасы әзірге құпия күйінде қалып отыр.
Айта кету керек, Абиба – Қазақстан әйелдер дзюдо құрамасының көшбасшыларының бірі. Ол халықаралық жарыстарда жоғары нәтижелер көрсетіп, әлем чемпионаттарының жүлдегері атанған спортшы. Сондықтан оның жеке өміріндегі жаңалық та қоғам назарынан тыс қалған жоқ.
Бұл жаңалық тек спорт әлемінде ғана емес, әлеуметтік желіде де кеңінен талқыланып, жанкүйерлер арасында үлкен қызығушылық тудырды.
