Бүгін, 16:07
Әнші Мөлдір Әуелбекова KeshYou тобы туралы шыққан үшінші деректі фильмнен кейін әлеуметтік желіде өз атына қатысты туындаған резонансқа алғаш рет пікір білдірді, деп хабарлайды baq-orda.kz.
Еске салайық, аталған фильмде продюсер Баян Алагөзова әншінің топтан кету себептері мен жеке өміріне қатысты кейбір жайттарды ашық айтқан болатын. Осыдан кейін желі қолданушылары арасында қызу талқы басталып, көпшілік екіге бөлінді.
Мөлдір Әуелбекова әлеуметтік желідегі парақшасында бұл жағдайға байланысты өз ойын айтып, көпшіліктің қолдауына алғыс білдірді. Әнші өткен оқиғаларды қайта қозғаудың өзі оңай емес екенін меңзеп, қазіргі таңда жеке өмірі мен шығармашылығына көңіл бөліп жүргенін жеткізді.
Сондай-ақ ол әр адамның өз шындығы бар екенін айтып, оқырмандарын сабыр мен құрмет сақтауға шақырды.
Айта кетейік, KeshYou тобы туралы деректі фильмнің үшінші бөлімі шыққаннан кейін әлеуметтік желіде бұрынғы топ мүшелері мен продюсер арасындағы қарым-қатынас қызу талқылануда.
