Бүгін, 09:59
Белгілі продюсер Гүлзира Айдарбекова шаңырағында қонақта болған блогер Мөлдір Мұқанова әлеуметтік желіде қызу талқыға түсті, деп хабарлайды baq-orda.kz.
Желіде тараған видеода блогердің дастархан басында отырған сәті көпшіліктің назарын аударған. Кадрлардан оның еркін отырып, аяғын көтеріп отырғаны байқалады. Дәл осы әрекет желі қолданушылары арасында түрлі пікір тудырды.
Көпшілік бұл қылықты қазақы дастархан әдебіне сай келмейді деп бағалап, сын пікірлерін жарыса жазды. Олардың айтуынша, дастархан басындағы тәртіп — ұлттық тәрбиенің маңызды бөлігі, сондықтан мұндай жағдайда әр адам өзін ұстай білуі керек.
Ал кейбір қолданушылар керісінше, жағдайды тым ушықтырмауға шақырды. Олар бұл көріністі жай ғана еркін отырыс ретінде қабылдап, әр адамның өзіне тән мінезі мен әдеті болатынын алға тартты.
Қалай болғанда да, бұл жағдай қоғамда дастархан мәдениеті, үлкеннің үйіндегі әдеп және қоғамдық тәртіп мәселесін қайта көтерді. Көпшілік үшін бұл тақырып әлі де өзекті екені байқалды.
