Бүгін, 10:15
Қазақстан мұғалімдері үшін жағымды жаңалық жарияланды. ҚР Оқу-ағарту министрі Жұлдыз Сүлейменова педагогтерге қатысты маңызды өзгерісті мәлімдеді, деп хабарлайды baq-orda.kz.
Министрдің айтуынша, Мемлекет басшысының тапсырмасымен педагогтердің пәндік білімін бағалау (ОЗП) тесті ресми түрде тоқтатылды. Бұл туралы ол өзінің әлеуметтік желідегі парақшасында хабарлаған.
Аталған шешім ұстаздар қауымы үшін үлкен жеңілдік ретінде қабылдануда. Себебі ОЗП тесті педагогтердің кәсіби деңгейін бағалаудың негізгі құралдарының бірі болып келген еді.
Жаңа өзгеріс білім беру жүйесін жетілдіруге және мұғалімдердің жұмыс жүктемесін азайтуға бағытталған маңызды қадам ретінде қарастырылып отыр.
Айта кетейік, соңғы жылдары елімізде педагог мәртебесін арттыру, олардың еңбек жағдайын жақсарту бағытында бірқатар реформалар жүзеге асырылып келеді. Бұл шешім де сол бастамалардың жалғасы ретінде бағалануда.
