2 маусым, 2026
Еңбек және халықты әлеуметтік қорғау министрі Асқарбек Ертаев ай сайынғы жалақысының мөлшерін жария етті, деп хабарлайды baq-orda.kz.
Министрдің айтуынша, оның ай сайын алатын жалақысы шамамен 1,2 миллион теңгені құрайды. Ол бұл қаражат отбасының қажеттіліктерін өтеуге жеткілікті екенін жеткізді.
- Иә, жетеді. Менің төрт балам және жұбайым бар. Екі балам есейген, өз күндерін өздері көріп жатыр. Несиелерім де бар. Соған қарамастан, жалақым отбасымды қамтамасыз етуге жетеді, – деді министр.
Сондай-ақ Асқарбек Ертаев отбасында алты адам бар екенін атап өтіп, қаржылық міндеттемелеріне қарамастан, табысының күнделікті қажеттіліктерді өтеуге жеткілікті екенін айтты.
Министрдің бұл пікірі әлеуметтік желі қолданушылары арасында қызу талқылануда.
