Бүгін, 09:43
Қазақстандық танымал әнші Нұрлан Еспановтың отбасында қуанышты оқиға орын алды. Өнер иесі алғаш рет немере сүйіп, ата атанды, деп хабарлайды baq-orda.kz.
Қуанышты жаңалықты әншінің ұлы Олжас Еспанов әлеуметтік желідегі парақшасында бөлісті. Ол жұбайымен бірге тұңғыш сәбиін қарсы алғанын айтып, сүйінші сұрады.
«Аллаға шүкір, қызды болдым. Біз әке мен ана атандық. Барша құттықтаған жандарға рақмет!» – деп жазды Олжас Еспанов.
Жас ананың айтуынша, дүниеге келген нәресте отбасының қуанышын еселеп, әулетке тағы бір қыз бала қосылған.
«Сүйінші! Отбасымызға тағы бір қыз қосылды. Өмірі жарық, болашағы баянды болсын», – деп жазды ол.
Қуанышты хабар әлеуметтік желі қолданушылары арасында қызу талқыланып, көпшілік жас ата-анаға ізгі тілектерін жаудырды. Олар сәбиге зор денсаулық, ұзақ ғұмыр мен бақытты өмір тіледі.
Осылайша қазақ эстрадасының танымал өкілі Нұрлан Еспанов үшін ерекше кезең басталып, өнер иесі алғаш рет ата мәртебесіне ие болды.
