2 маусым, 2026
Танымал әзілкеш әрі актер Нұржан Төлендиев отбасындағы үлкен қуанышты көпшілікпен бөлісті, деп хабарлайды baq-orda.kz.
Өнер иесі немересінің бесік тойын жасап, жақындары мен туған-туыстарының басын қосқан ақ дастарқан жайды. Салтанатты шара дәмханада өтіп, ерекше көңіл күйге ұласты.
Той барысында Нұржан Төлендиев немересіне арнайы ән арнап, көпшіліктің ыстық ықыласына бөленді. Жиналған қонақтар жас нәрестеге ақ тілектерін арнап, отбасының қуанышына ортақтасты.
Әлеуметтік желі қолданушылары мен өнердегі әріптестері де ізгі тілектерін жаудырды.
«Той құтты болсын, баршамызға жұғысты болсын», «Ғұмырлы болсын», «Алғашқы немере тәтті ғой», «Бауы берік болсын» деп жазды желі қолданушылары.
Айта кетейік, Нұржан Төлендиевтің отбасындағы бұл қуанышты жаңалық оқырмандар тарапынан жылы қабылданып, көпшілік өнер иесіне ақжарма тілектерін жолдауда.
