5 мамыр, 2026
Өскеменде орналасқан «Қазцинк» ЖШС аумағында болған жарылыс салдарынан екі адам қаза тапты. Бұл туралы ресми органдар мәлімдеді, деп хабарлайды baq-orda.kz.
Қазіргі мәлімет бойынша, жалпы 9 адам медициналық көмекке жүгінген. Оның алтауы ауруханаға жеткізіліп, дәрігерлер бақылауына алынған. Үш адам тексерістен кейін үйлеріне жіберілді.
Төтенше жағдайлар министрлігінің хабарлауынша, өрт оқшауланып, қазір толық сөндіру жұмыстары жүргізіліп жатыр. Оқиға орнында 40 құтқарушы мен 10 техника жұмылдырылған.
Сонымен қатар, үйінділерді аршу және адамдарды іздеу жұмыстарына кинологтар мен Апаттар медицинасы орталығының мамандары тартылды.
