Бүгін, 11:41
Алматыдағы бұрын Қайрат Сатыбалдының ұлы Бауыржан Нұрсұлтанға тиесілі болған «Байсат» көтерме-бөлшек сауда орталығы сатылымға қойылды, деп хабарлайды baq-orda.kz.
Нысан электронды аукцион арқылы жүзеге асырылады. Сауда E-Qazyna платформасында өтіп, белгіленген уақыт бойынша қатысушыларға ашық форматта ұсынылады.
Айта кетейік, бұл актив мемлекетке қайтарылған мүліктер қатарына жатады. Соңғы жылдары мемлекетке қайтарылған ірі нысандардың бірі ретінде «Байсат» базары бірнеше рет аукционға шығарылған.
Алайда бұған дейін өткен сауда-саттықтардың бірқатары сатып алушылардың болмауына байланысты өтпей қалған. Соған қарамастан, нысанды сату процесі жалғасып жатыр.
«Байсат» базары Алматыдағы ірі сауда орындарының бірі саналады және қаладағы маңызды коммерциялық нысандардың қатарына кіреді.
