11 маусым, 2026
Туризм және спорт министрлігі халықаралық гроссмейстер Бибісара Асаубаеваның әлеуметтік желідегі үндеуіне қатысты түсініктеме берді, деп хабарлайды baq-orda.kz.
Министрлік мәліметінше, 2025 жылы Қазақстанда спорттың басым түрлерінің жаңа тізімі бекітілген. Аталған тізімге шахмат енгізілмегендіктен, спортшыға төленетін ай сайынғы қолдау көлемі қысқарған.
Сонымен қатар ведомство Бибісара Асаубаеваның халықаралық жарыстарға дайындалуы үшін елеулі қаржы бөлінгенін атап өтті. Атап айтқанда, Sport Qory қоры арқылы шахматшыға 100 миллион теңге көлемінде қолдау көрсетілген.
Кейін спортшы қордан қосымша қаржыландыру сұрап қайта өтініш берген. Алайда министрлік бюджеттік мүмкіндіктердің шектеулі болуына байланысты бұл өтініштің мақұлданбағанын мәлімдеді.
Ресми дерекке сәйкес, Бибісара Асаубаева 2024 жылы 63 миллион теңге, 2025 жылы 79 миллион теңге және 2026 жылы 100 миллион теңге көлемінде қаржылай қолдау алған.
Спорт вице-министрі Серік Жарасбаевтың айтуынша, мұндай қаражат халықаралық деңгейдегі дайындық пен жарыстарға қатысу шығындарын өтеуге жеткілікті болуы тиіс.
Осылайша министрлік шахматшы көтерген мәселелер бойынша өз ұстанымын жариялап, оған бөлінген қаржы көлемін нақтылады.
