24 ақпан, 2026
Әлеуметтік желілерде Тараз қаласының танымал Grand Theft Auto (GTA) ойыны стиліндегі бейнеролигі қызу талқылануда. Шығармашылық топ заманауи технологиялардың көмегімен ежелгі қаланың келбетін виртуалды әлемге шебер көшіре білген, деп хабарлайды baq-orda.kz.
Бейнероликте қаланың басты нысандары – кіреберіс аркасы, атақты сағат мұнарасы, «MART» сауда орталығы мен Шерхан Мұртаза атындағы Баспасөз үйі көрініс тапқан. Авторлар ойынның графикасы мен атмосферасын сақтай отырып, Тараздың ерекше колоритін цифрлық форматта ұсынды.
Мұндай жобалар тек ойын-сауық қана емес, сонымен қатар қаланың туристік әлеуетін арттыруға және жастар арасында цифрлық өнерді дамытуға септігін тигізеді. Виртуалды Тараз көшелерімен «саяхаттау» – қала имиджін ілгерілетудің тың әрі креативті тәсілі.
