24 ақпан, 2026
Қазіргі таңда жасанды интеллект технологиялары күнделікті өміріміздің ажырамас бөлігіне айналып келеді. Осыған байланысты, цифрлық ортадағы ашықтық пен қауіпсіздікті сақтау мақсатында жаңа заңнамалық талаптар енгізілуде, деп хабарлайды baq-orda.kz.
Енді жасанды интеллект арқылы жасалған барлық тауарлар мен қызметтер міндетті түрде арнайы таңбамен белгіленуі тиіс. Бұл - ақпараттық ашықтықтың кепілі. Сондай-ақ, заң аясында дипфейк технологияларын заңсыз пайдалануға және адам санасына манипуляция жасауға бағытталған ЖИ жүйелеріне қатаң шектеулер қойылған.
Бұл шаралардың басты мақсаты - азаматтардың құқығын қорғау және цифрлық алаяқтық пен жалған ақпараттың таралуына тосқауыл қою. Технологиялық прогресс заң аясында әрі этикалық нормаларға сай дамуы тиіс.
