Бүгін, 14:20
Журналист Ботагөз Омароваға қарсы қозғалған қылмыстық іс тоқтатылды. Бұл ақпаратты оның адвокаты Толқын Әбілова растады, деп хабарлайды baq-orda.kz.
Адвокаттың айтуынша, журналистке қатысты қолданылған үйқамақ түріндегі бұлтартпау шарасының да күші жойылған.
Еске салайық, биыл наурыз айында Ботагөз Омарова «көрінеу жалған ақпарат тарату» бабы бойынша жүргізілген сотқа дейінгі тергеп-тексеру аясында полицияға шақырылған болатын. Кейін оның процессуалдық мәртебесі күдікті болып өзгертіліп, үйқамаққа алынған еді.
13 мамыр күні Ішкі істер вице-министрі Санжар Әділов журналистке қатысты тергеу аяқталғанын және істің жақын арада сотқа жолданатынын мәлімдеген.
Алайда 22 мамырға қараған түні журналист «ВД Строй-Инжиниринг» компаниясына қатысты жариялаған материалдарын теріске шығарды. Осыдан кейін қылмыстық істің тоқтатылғаны белгілі болды.
