Бұл туралы Ақорданың баспасөз қызметі мәлімдеді.

Кездесу барысында Мемлекет басшысы Қазақстанның Жапониямен стратегиялық серіктестікті дамытуға ерекше мән беретінін атап өтті. Оның айтуынша, екі ел арасындағы қарым-қатынас достық пен өзара түсіністікке негізделген.

 Қазақстан Жапониямен стратегиялық серіктестікті дамытуға ерекше мән береді. Екі ел арасында достық пен өзара түсіністікке негізделген тығыз ынтымақтастық орнаған. Біз «Қазақстан мен Жапонияның арасы алыс болғанымен, достығымыз берік» деп айтамыз, – деді Мемлекет басшысы.

Қасым-Жомарт Тоқаев екі елдің сауда-экономикалық, инвестициялық және ғылыми-техникалық байланыстарын кеңейту үшін зор мүмкіндіктер бар екенін атап өтті. Президенттің айтуынша, Жапония Қазақстан экономикасына 8 миллиард доллардан астам инвестиция құйған. Сонымен қатар, еліміз шетелдік инвесторларға, оның ішінде жапондық озық компанияларға қолайлы жағдай жасауға дайын екенін жеткізді.