Ассамблея жанындағы "Мәміле" пікірталас клубы ұлттық құндылықтар арқылы қазақ тілін үйретуге бағытталған. Клубтың 3 отырысы Жеңістің 80 жылдығы, Бауыржан Момышұлының 115 жылдығы және отбасылық құндылықтарға арналды.

Қазақ тілін оқыту курстары 2,5 ай бойы аптасына 3 рет ақысыз негізде өткізіледі. В1 деңгейін оқытуға арналған жаңа топта 20 тыңдаушы бар. Сондай-ақ, неміс тілі бойынша Шу, Жамбыл аудандарында және Таразда 6 топ жұмыс істейді, олар 90 адамды қамтыды. "Корё" кәріс ассоциациясында корей тілі курстары да ұйымдастырылған.

21 ақпан – Халықаралық ана тілі күніне орай "Тіл – достықтың дәнекері" атты TEDx форматындағы кездесу өтті. Мемлекеттік тілді жетік меңгерген 45 этнос өкілінің пулы қалыптастырылды. Бұл бастамалар тілдердің дамуына және этносаралық бірлікті нығайтуға қызмет етеді.