Алдағы тәулікте Жамбыл облысының бірқатар аумақтарында ауа райы құбылмалы болады. Синоптиктердің болжамынша, түнгі уақытта облыстың оңтүстігі мен шығысында жаңбыр мен қар түріндегі жауын-шашын күтіледі. Ал таулы аудандарда қар жауып, кей уақыттарда қардың күшеюі мүмкін. Күндізгі уақытта да таулы өңірлерде жауын-шашын (жаңбыр мен қар) жалғасады.
Мамандардың айтуынша, облыстың оңтүстігінде, шығысында және таулы аймақтарында кей кезеңдерде тұман түсіп, көктайғақ болуы ықтимал. Сондықтан жүргізушілер мен жаяу жүргіншілерге жолда барынша сақ болу ұсынылады.
Жел солтүстік-шығыстан соғып, оның жылдамдығы секундына 9–14 метрге дейін жетеді. Ал таулы аудандарда желдің екпіні 15–20 метрге дейін күшеюі мүмкін.
Ауа температурасы түнде облыс бойынша 3 градус аяздан 2 градус жылыға дейін құбылады. Солтүстік және таулы өңірлерде түнгі температура 6 градус аязға дейін төмендейді. Күндіз ауа температурасы 4–9 градус жылы шамасында болады. Ал облыстың солтүстік және таулы аймақтарында күндіз шамамен 0 градус сақталады.
Облыс орталығы – Тараз қаласында көшпелі бұлтты ауа райы күтіледі. Түнде және таңертең көбінесе жаңбыр түріндегі жауын-шашын болуы мүмкін. Кей уақыттарда тұман түсіп, көктайғақ қалыптасуы ықтимал. Жел солтүстік-шығыстан секундына 9–14 метр жылдамдықпен соғады. Ауа температурасы түнде 0–2 градус жылы болса, күндіз 6–8 градус жылы болады.
Синоптиктер ауа райының қолайсыз құбылыстарына байланысты тұрғындарға сақтық шараларын ұстануға кеңес береді.
Келесі мақала
Теміртауда 48 жастағы әйел 13-ші сәбиін дүниеге әкелді
Ұқсас жаңалықтар
