9 маусым, 2026
Қазақстанның Тұңғыш Президенті Нұрсұлтан Назарбаев қазіргі уақытта қоғамдық-саяси қызметпен айналыспайды. Бұл туралы экс-президенттің баспасөз хатшысы Айдос Үкібай мәлімдеді, деп хабарлайды baq-orda.kz.
Оның айтуынша, қазіргі таңда Amanat партиясының қызметі мен партия ішінде жүргізіліп жатқан өзгерістерге Нұрсұлтан Назарбаевтың ешқандай қатысы жоқ.
Айдос Үкібайдың сөзінше, Назарбаев 2019 жылы Қазақстан Президенті ретіндегі өкілеттігін тоқтатқаннан кейін мемлекеттік басқару ісінен шеттеп, зейнеткерлік өмірге көшкен.
Сондай-ақ баспасөз хатшысы экс-президенттің қазіргі қоғамдық-саяси үдерістерге араласпайтынын атап өтті.
Осылайша, соңғы жылдары жүзеге асырылып жатқан саяси реформалар мен партиялық өзгерістерге қатысты шешімдер қазіргі мемлекеттік институттар мен жауапты тұлғалардың құзыретінде қабылдануда.
