Бүгін, 10:08
Батыс Қазақстан облысында Индербор – Орал бағытында жаңа теміржол желісін салу мүмкіндігі қарастырылып жатыр. Жоба жүзеге асқан жағдайда өңірдің көлік инфрақұрылымы айтарлықтай жақсарып, тұрғындардың облыс орталығына қатынауы жеңілдейді, деп хабарлайды baq-orda.kz.
Жаңа теміржол желісі іске қосылса, Индербор мен Орал арасында тікелей қатынас орнап, жолаушылар мен жүк тасымалының тиімділігі артады. Сондай-ақ бұл өңірдің логистикалық әлеуетін күшейтіп, әлеуметтік-экономикалық дамуына оң әсер етуі мүмкін.
Осыған байланысты жауапты мемлекеттік органдарға жобаны жан-жақты пысықтап, оның техникалық-экономикалық негіздемесін әзірлеу және іске асыру бойынша нақты ұсыныстар енгізу тапсырылды.
Мамандардың пікірінше, жаңа теміржол желісі өңірлер арасындағы байланысты нығайтып қана қоймай, көлік қатынасының қолжетімділігін арттыруға және инвестициялық тартымдылықты күшейтуге ықпал етеді.
Жобаның нақты мерзімі мен қаржыландыру тетіктері әзірге жарияланған жоқ. Қазіргі уақытта бастаманы іске асырудың барлық мүмкіндіктері жан-жақты қарастырылуда.
