10 маусым, 2026
Жуалы ауданында соңғы бір жыл ішінде әлеуметтік-экономикалық даму көрсеткіштері айтарлықтай жақсарды. 2025 жылдан 2026 жылға дейінгі аралықта аудан экономикасы, құрылыс және ауыл шаруашылығы салаларында оң өсім байқалды, деп хабарлайды baq-orda.kz.
Атап айтқанда, жалпы өңірлік өнім көлемі 23,3 пайызға артып, аудан экономикасының тұрақты дамып келе жатқанын көрсетті.
Құрылыс саласында да қарқын жоғары. Құрылыс жұмыстарының көлемі өткен жылмен салыстырғанда 198,9 пайызға өсіп, бірқатар маңызды жобалар жүзеге асырылды.
Ауыл шаруашылығы саласында көкөніс дақылдарының егіс көлемі 710 гектарға жетті. Сонымен қатар су ресурстарын тиімді пайдалану мақсатында су үнемдеу технологиялары енгізілетін алқап көлемі 3 700 гектарға дейін ұлғайтылуда.
Жалпы егіс көлемі де артып, 96 435 гектарға жетті. Бұл көрсеткіш ауданның аграрлық әлеуетінің жылдан-жылға нығайып келе жатқанын аңғартады.
Мамандардың айтуынша, қолға алынған жобалар мен мемлекеттік қолдау шаралары алдағы уақытта да Жуалы ауданының әлеуметтік-экономикалық дамуына оң ықпалын тигізеді.
