Азаматтарға арналған үкімет мамырдағы мерекелерде Халыққа қызмет көрсету орталықтары (ХҚКО) мен мамандандырылған ХҚКО-лардың жұмыс кестесін жариялады, - деп хабарлайды baq-orda.kz

3 және 10 мамыр, яғни сенбі күндері кезекші  ХҚКО мен МХҚКО-лар үшін жұмыс күні болып есептеледі.  Бұл күні азаматтарға 9.00-ден 13.00-ге дейін қызмет көрсетіледі.

«Мамандандырылған ХҚКО-ларда өтініштерді қабылдау 12:00-ге дейін жүзеге асады, ал дайын құжаттарды 13:00-ге дейін алып кетуге болады. Кезекші ХҚКО мен мамандандырылған ХҚКО-лардың тізімін Мемлекеттік корпорацияның ресми Instagram парақшасынан немесе 1414 нөмірі арқылы білуге болады», – делінген хабарламада.

Айта кетейік, мамыр айында демалыс күні ретінде танылған үш бірдей мейрам бар.